Хүн гэдэг тухайн нийгэм, цагийн л амьтан байдагч уран бүтээлч, соён гэгээрүүлэгч хүний зам их өөр, тухайн нийгэмтэйгээ үзэл санаагаараа зөрчилдөн тэмцэлдэх нь цөөнгүй байдаг. Үүгээрээ нийгмийнхээ зөрүү хараанд өртөж үндсэрхэг үзэл, шударга шүүмжлэлт чанарыг нь хүлээн авч чадахгүй, адлан үзэхэд хүргэж, ажил төрөлгүй болгож, гадуурхан гомдоож явсан ч Ж.Бадраа энэ бүхэнд нугаран уналгүй, хийх л зүйлээ хийж, бүтээх л юмаа бүтээж, түүнийгээ нийгмийн гажуудал гэхээсээ тухайн үеийн зарим дарга удирдлага, намын байгууллагын хэтэрхий загвардалтай холбон үздэг байсан юм. Номонд Ж.Бадраагийн амьдралын он дарааллын бичгийн үндэс болсон өдрийн тэмдэглэл, уран бүтээлийнх нь жагсаалт, түүнийг дагалдсан зохиогчдын тайлбар өгүүлэл, өөрийнх нь гар бичмэл, өргөдөл хүсэлт, захидал, бусад зүйл орж байгаа нь нэн сонирхолтой. Зохиогчид Соён гэгээрүүлэгч Ж.Бадраагийн өдрийн тэмдэглэлийг монгол болоод шинэ үсгээс буулган цэгцлээд олонд хүргэхдээ тухайн он цагийн өнгийг алдалгүй уран бүтээл, амьдралынх нь явдлыг эдүгээчлэн засах, танах, нэмэх зүйлийг огт хийлгүй, хожмын судлаачдад эх баримт болгохыг эрхэмлэсэн байна.Номонд 1951-1992 оны дарааллаар түүний амьдрал, замнал, намтар соён гэгэрүүлэх их үйлсийн бүтээл туурилыг ангилан оруулсан байна