Нүүр хуудсанд: Монгол улсын ерөнхийлөгчийн тамгын газрын захиалгаар бүтээв

Нэрийн хэлхээ 333 х.

Боть I. Анандын Амар. Монголын товч түүх -- Судар бичгийн хүрээлэнгийн дарга, МУ-ын Бага хурлын дарга ба Ерөнхий сайдын албыг хашсан, бичгийн их хүмүүн А.Амар Монголын бүрэн түүхийн 1-р боть буюу нэн эртнээс XIII зууны эхэн үеийг хамарсан энэ номондоо олон мэргэдийн зохиосон түүхүүдийн оньст утгыг авч товчлон бичжээ -- Боть II. Базарын Ишдорж. Монгол улсын хураангуй түүх -- 1924 онд бичигдсэн энэ бүтээл бол ардын засагт монгол улсын үед дундад зууны ба шинэ үеийн монголын түүхээр бичсэн анхны бүтээл байжээ -- Боть III. Б. Буянчуулган. Манж Монгол холбогдсон түүхт байдал -- Нэрт түүхч Бөртэ овогт Буянчуулганы бичсэн эл зохиол нь Манжийн үеийн Монголын түүхийн олон асуудлын учгийг тайлж тодруулахад чухал нэмэр болохуйц бүтээл юм --
Боть IV. Н. Магсаржав. Монгол улсын шинэ түүх -- Магсар хурцын 1925-1927 онд туурвисан “Монгол Улсын шинэ түүх” зохиолын хамгийн чухал шинж бол түүхийн үйл явдлыг маш цэвэрхэн өгүүлээд зохиогчийн дүгнэлт бараг хийгээгүй явдал юм. Уул зохиолоос XX зууны Монголын түүхийн хамгийн том үйл явдал цагаагчин гахай жилийн үндэсний эрх чөлөөш хувьсгал хэрхэн үүсч, түүнд ар, өвөр монгол, барга, урианхайн олон хошуудын өргөн түмэн хэрхэн оролцсоныг хялбар дөт бөгөөд итгэлтэйгээр ойлгох боломжтой -- Боть V. Лхамсүрэнгийн Дэндэв. Монголын товч түүх -- Эл бүтээл оршил, дөрвөн бүлэгтэй бөгөөд нэгдүгээр бүлэгт, Монголчууд Манжаас хэрхэн тусгаарлан улс болсон тухай, хоёрдугаар үлэгт, Орос Хятад улсууд Монголын тусгаар тогтнолыг цуцалж Хятадын эзэн эрхийг хүлээлгэн автономит улс болгосон тухай, уравдугаар бүлэгт, Монголын автономитыг устгаж Хятад улс өөртөө нэгтгэн авсан тухай, дөрөвдүгээр бүлэгт, 1921 онд Барон Унгерний тусламжтайгаар Хятад цэргийг Монголоос хөөж тусгаар тогтнолоо дахин сэргээсэн тухай бичжээ -- Боть IV. Х.Чойбалсан, Д.Лосол, Г.Дэмид. Монгол ардын үндэсний хувьсгалын анх үүсэж байгуулагдсан товч түүх -- Эл зохиолд 1921 онд Монголд өрнөсөн түүхэн үйл явдал, монголчууд үндэсний тусгаар тогтнолын төлөө тэмцлээ хэрхэн үргэлжлүүлж байсан, Богд хаан, Жалзанз хутагт Дамдинбазар, Манзушир хутагт Цэрэндорж, Магсар хурц зэрэг түүхэн зүтгэлтнүүдийн талаар, үндэсний тусгаар тогтнолын төлөө ноёд, түшмэд хэр санал санаачлагатай байсан зэргийг мэдэж болохын зэрэгцээ тухайн цаг үеийн түүхэнд нийцүүлэн товойлгох зорилгоор Д.Сүхбаатар нарын талаар илүү тодорхой өгүүлсэн нь буй --

Монголчууд өөрийн эх түүхээ мэдэж, сурах явдал чухал хэмээн үзэж, монгол үндэстэнийхээ цог сүлдийг улам мандуулах, үндэстэнээ хайрлахын үүднээс “Эрдэмтэн сайд угаа үл умартмуй”, “Монгол тоотон бүгдээр уг үндэс ба язгуур удмаа мэдтүгэй” хэмээсэн их эрдэмтэн Инжаннашийн сургаалыг эрхэмлэн Монгол Улсын Ерөнхийлөгч Цахиагийн Элбэгдорж Монголын бичгийн их хүн, Монгол Улсын төрийн нэрт зүтгэлтэн А.Амар нарын сэдэж боловсруулсан Монголын түүхийн цуврал зохиолыг анх бичсэн гар бичмэл болон кирилл үсэгт буулгасан эхийн хамтаар хэвлэж 6 ботиор толилуулж байгаа юм байна

Монгол (кирил)