Ном болгоны хувь заяа өөр өөр байдаг юм. Зарим ном уншигчийн гар дамжин навсартлаа уншигдсан байхад зарим нь шинэ хэвээрээ номын дэлгүүрийн лангуун дээр хэвтэж байдаг. Манай ямар ч дэлгүүрт та бүхний одоо унших гэж байгаа энэ ном байхгүй. Номын сангуудад ч цөөхөн болжээ.
Олон зуун хүүхэд зохиолчид захиа ирүүлж «Хөгжөөнтэй туужийг» дахин хэвлэж өгөхийг хүсжээ. Гэтэл «Хөгжөөнтэй туужууд» гараад төдий л удаагүй. Эхний нь дэвтэр 1969 онд, дараагийнх нь 1971 онд, сүүлчийн дэвтэр 1973 онд хэвлэгдэж билээ. Хэвлэгдсэн хувь нь ч цөөн биш. Гэтэл яагаад алга болов? Яагаад хүүхэд болгон гар дамжуулан уншиж байна? Түүний нууц юундаа байна?
Энэ дашрамд зохиогчид ирсэн олон захидлаас цөөн хэдийг энд сийрүүлж сонирхуулъя.
“Надад таны зохиосон «Хөгжөөнтэй туужууд» маш сайхан санагдсан учир бид бүхний сонирхол татсан ном зохиосон Д. Гармаа гуай танд баярлалаа, гялайлаа, баяртай.
Хүсэл мөрөөдлийн номны учир Гавьяат үйлсийн мөрөөдөл Нэгэн зуны намтар Ерөөлтийн бага хүү Зугаатай зуслан Жаахан Янгуу түүний найз нар