Хорвоо бид хоёр мэндэлцсэн тэр цагаас эхлээд нэг тэлд би, нөгөө талд хорвоо эсрэг ширтэлцэн орших болов оо. Намайг өмссөн цамц ч үгүй гар хоосон төрөхөд хорвоо гандашгүй баян байлаа. Би энгийн хялбар амьтан төрж байхад хорвоо ээдрээтэй нарийн ертөнц байлаа.
Хорвоо нууц. Хорвоо сүртэй. Би нялх. Би гэнэхэн. Гэвч би хорвоог таних ёстой. Хорвоо бол намайг таних хэрэгцээгүй байж. Хорвоог таних гэмээж нь миний төрсний хэрэг бүтэх учиртай юмсанж. Тэгээд би ээж, аавын заяасан бие сэтгэлийн эрдмийг нээгдүүлэхээр хорвоогийн учрыг танин мэдэх аянд гарч дээ. Тэр аян төгсгөлгүй урт. Нэг нас богиндож, нэгэн бие хэврэгдэх байж. Тэгэвч аянаас зүрхшиж, алжаалаас айлгүй одсон эцэг өвгөдийн зам намайг хөтөлжээ.
Над таван сайн зэвсэг байлаа. Ихийг үзэж, ихийг сонсож нүд чихийг хосоор, бага чаль ч гэж амыг ганцаар заяажээ. Зэвсгээ тийн агсаад би танин мэдэхүйн их аянд гарсаар гучин гурав дахь жилдээ явж байна.
Анх намайг харахад хорвоо үлгэрийн орон шиг байжээ. Хүүхдийн нүдээр би түүнийг харж дээ. Одоо надад хорвоо гэгч гэр шиг минь үзэгднэм. Хожмын нэг өдөр хорвоо над таван хуруу шиг минь бодогдох болуужин... Чулуутай танилцсан минь Дуутай танилцсан түүх Зурагтай танилцсан минь Салхитай танилцсан минь Цүнхтэй танилцсан минь Салхитай танилцсан минь