Франциско-де-Пауло гэдэг газар байдаг “Вихи” Хэмингүй бараг хорин жил суусан гэдэг. Энд тэрвээр та бүхний дөнгөж сая уншиж буй “Өвгөн, тэнгис” туужаа туурвисан юм.
Энэ харшийн дэвсэг дээрээс Карибын тэнгис цэнхэртэн мяралзаж, өвгөн тэр булангаас загасандаа гарч байсан байхдаа гэж бодоход сонихон байж билээ. Гэр музейд нь зохиолоо бичсэн “Ройал”гэдэг бичгийнжижигхэнхар машин нь байсан. Музейн тайлбарлагч ярихдаа Хэмингүй энэ машинаараа зохиолоо босоогоороо бичдэг байсан, тэгээд бичиж байгаадаа улайраад доороо шээснээ мэддэггүй байсан гэж билээ.
Бичгийн хар машин гэснээс “Алтан гартай хүн” гэдэг алдарт романы зохиолч Нельсон Олгерон уг романаа Хэмингүйд дурсгахдаа “Алтан бичгийн машинтай хүнд” гэсэн бүлээхэн үг бичсэн байдаг.
Гүрван настайдаа загасны бүрэн хэрэглэл, дөрөвтэйдээ ангийн буу, тавтайдаа дуранбай эцгээсээ бэлгэнд авч байсан тэрвээр Атлантын далайд том загас агнаж, Африкт том ан гөрөөлж явжээ.
Түүний агнасан том загас, том ангийн толгой гэр- музейнх нь хананд хадаастай байсан. 1399 онд мэндэлсэн тэрвээр нэг их урт наслаагүй ч дэлхийн хоёр дайн, Испаний иргэний дайн гээд үзээгүй дайн гэж байхгүй. Шилдэг зохиол