Ном зүй (хуудас 277-279)

Нүүдэлчид ба шинэ цагийн Монголын хөгжмийн урлаг -- Ардын хувьсгал ба шинэ цагийн дуу -- ХХ зууны Монголын хөгжмийн төлөвшил -- ХХ зууны Монголын хөгжмийн урлаг -- Монголын хөгжмийн шинэ үе

Монголчууд бид XX зуунд алдаатай, оноотой амьдралын нугачааг туулан гараад өнөөдрийг хүрчээ. 1911 оны үндэсний эрх чөлөөний хувьсгал, 1921 оны ардын хувьсгал, хэлмэгдүүлэлт, эх орныхоо төлөөх дайн, тулаан, Нэгдсэн Үндэстний байгууллагын бүрэн эрхт гишүүн, сансарт монгол хүн ниссэн гэх мэтээр XX зууны монгол хүний болон монголчуудын хийсэн бүдээсэн бүхнийг түүх болгон бичиж, тэмдэглэж ирсэн, түүгээрээ ч бид бахархдаг. Харин тэрхүү өнгөрөгч зууны монголчуудынхаа дотоод сэтгэлийн ертөнцийг хэрхэн тэмдэглэсэн бэ, дуутаар, яаж тэмдэглэсэн бэ?
Энэ бол хүмүүний оюун санааны илэрхийлэл болсон урлаг, соёл юм. Тэр дундаа хөгжмийн урлаг нь өвөрмөц хэр нь, хамгийн төвөгтэй урлаг байж болох юм.
Уншигч таны гарт очиж буй энэхүү ном бол XX зууны монголчуудын хөтжмийн соёл, түүний түүхийг өгүүлэх тэмдэглэл юм. Өнгөрсөн зуунд бидний монголчууд хөгжмийн шинэ түүхийг бүтээсэн, мөн шинэ хөгжмийг бий болгосон. Энэ нь уламжлалт хөгжмийн урлаг дээрээ суурилсан өрнийн маягийн шинэ хөгжим юм. XX зууны европоос бусад ард түмэн ийм замаар явсан, өнөөдөр ч мөн явж байна.
Хөгжмийн түүхийг олон янз байдлаар бичдэг бол тэдгээрийн нэг төрөл нь он дарааллын бичээс байдаг. Уг номын үндэс нь тэрхүү он дарааллын бичээс мөн. Оюутан залуучуудад аль болох ойлгомжтой байх үүднээс энэхүү он дарааллын чиг хандлагыг сонгосон хэрэг.
МУБИС-ийн Багшийн сургуулийн хөгжмийн багшийн оюутнууд болон хөгжмийн мэргэжлийг сонгон суралцагч хэн бүхэнд зориулагдсан гэж ойлгож болох энэхүү номод XX зууны монголын хөгжмийн түүхийг он дарааллын дагуу гаргаж бичихийг хичээсэн...