Монгол улсын хөдөлмөрийн баатар Ш.Бирагийн 90 жилийн ойд зориулж Олон улсын Монгол судлалын холбооны дэмжлэгээр хэвлэв.

I Боть: БНМАУ-ын түүх, соёл, түүх бичлэгийн асуудалд

II Боть: Монголын түүх, соёл түүх бичлэгийн судалгаа. Редактор: Ц.Ишдорж 438 хуудастай,

III Боть: Монголын түүх, соёл, түүх бичлэгийн судалгаа

IV Боть: Түүвэр зохиолууд. Редактор: Э.Пүрэвжав

V Боть: Монголын тэнгэрийн үзэл. Редактор: Э.Пүрэвжав

VI Боть: Монголын соёл, Монголын Төвд хэлээр бичсэн түүхийн зохиол. Редактор: А. Пунсаг

VII Боть: О" Золотой книге" Ш. Дамдина. XIII-XVII зууны Монголын түүх бичлэг. Редактор: А. Пунсаг, Я. Сумъяа

VIII Боть: Монгольская историография. Монгольская тибетоязычная историческая литература (XVII-XIX) Редактор: Н. Хишигт

IX Боть: Mongolian historical writing from 1200 to 1700. Mongolian historical literature of the XVII-XIX centuries written in tibetan. Редактор: ХПүрэвтогтох

X Боть: Монголын түүх бичлэг 1200-1700 он. Ш. Дамдины "Алтан дэвтэр"-ийн тухай. Редактор: Я. Сумъяа

1-р ботид зохиогчийн 1957-1976 онд нийтлүүлсэн эрдэм шинжилгээний өгүүллийн эмхэтгэл болох "БНМАУ-ын түүх, соёл, түүх бичлэгийн асуудалд" орсон материалыг монгол, орос, англи хэлээр ялган салгаж, бичсэн он дарааллаар нь байрлуулсан болно.

2-р ботид "Монголын түүх, соёл, түүх бичлэгийн судалгаа" сонгодог бүтээлийн эмхэтгэлийг оруулж байна. 1978-1991 онд бичсэн зохиолоос нь сонгон авч монгол, орос, англи хэлээр бичсэн бүтээлүүдийг нь оруулжээ.

3-р ботид "Монголын түүх соёл, түүх бичлэгийн судалгаа" бүтээлийн эмхэтгэлийг оруулж байна. Зохиогчийн 1992-2000 онд нийтлүүлсэн бүтээлээс нь сонгон оруулсан билээ.

4-р ботид түүвэр зохиолууд 2007 он бүтээлийг орууллаа.

5-р ботид "Монголын тэнгэрийн үзэл" 2011 он бүтээлийг оруулсан бөгөөд баримт бичиг гэсэн хэсэгт эрдмийн зэрэг горилсон бүтээлд өгсөн үнэлэлт, Фүкүокагийн Азийн соёлын шагнал хүртсэн тухай орсон болно.

6-р ботид 1992 онд Бээжин хотноо уйгаржин монгол үсгээр Үндэсний хэвлэлийн хорооноос хэвлүүлсэн "Монголын соёл" гэдэг номыг орууллаа. Мөн 1992 онд "Түвэдээр бичсэн Монголын түүхийн зохиол" XVII-XIX номыг Цоорхой орос хэлнээс орчуулан Өвөр Монголын сурган хүмүүжлийн хорооноос эрхлэн уйгаржин монгол үсгээр хэвлүүлснийг хамт нийтлүүлэв.

7-р ботид " XIII-XVII зууны Монголын түүх бичлэг" зохиолыг 1988 онд хятад хэлээр, мөн зохиогчийн "Ш.Дамдины Алтан дэвтэр" зохиол 1964 онд орос хэлээр нийтлэгдсэнийг нэгэн дэвтэр болгон хэвлүүллээ.

8-р ботид "Монгольская историография" XIII-XVII вв, "Монгольская тибетоязычная историческая литература XVII-XIX гэсэн 2 зохиолыг орос хэлээр нэгэн дэвтэр болгон хэвлүүлэв.

9-р ботид "Монголын түүх бичлэг 1200-1700 он", "Түвэд хэлт түүхийн зохиолууд XVII-XIX" гэсэн 2 зохиолын АНУ-д англи хэлээр орчуулсан эхүүдийг нэгэн дэвтэр болгон нийтлүүлэв.

10-р ботид "Монголын түүх бичлэг 1200-1700 он зохиолыг зохиогчийн өөрийнх нь нэмэн засварлаж АНУ-д нийтлүүлсэн 2 дахь хэвлэлийн англи хэлний эхээс Ц.Ишдорж орчуулсныг, мөн зохиогчийн "Ш.Дамдины Алтан дэвтэр номын тухай" номыг анх хэвлэгдсэн орос эхээс нь орчуулан нэгэн дэвтэр болгон хэвлүүллээ.

монгол, орос, англи , хятад хэлээр кирилл, монгол бичгээр