Үр хүүхдээ сайн сайхан хүн болгохсон гэсэн гэгээн хүсэл эцэг эх бүрийн
сэтгэл зүрхийг эзэмдэн байдаг боловч алдаж эндэх тохиолдол цөөнгүй гардаг.
Багаас нь зөв, сайн хүмүүжүүлээгүй хүүхдийн хүмүүжлийг хожим засч
залруулахад маш хэцүү байдгийг архи дарсанд орон, ажлаа алдан хүний дайтай
амьдарч чадахгүй, хөл алдан, зовж зүдэрч яваа олон хүний амьдрал бэлхнээ
харуулж байна.
Иймэрхүү алдаанаас зайлсхийхийг хүн бүр л хүснэ шүү дээ. Харин хэрхэн
яаж зайлсхийх вэ? гэдгээ тэр болгон мэддэггүй. "Нуур амгалан бол нугас
амгалан" гэдэг. Гэр бүлийн амгалан тайван харилцаа хүүхдийн хүмүүжилд маш
чухал үүрэгтэй юм. Хүүхэд, эцэг эхчүүдийн хоорондын харилцааг хэвийн сайн
байлгахад эн тэргүүнд мэдэж байвал зохих зүйлүүдийг амьдралын жишээ
баримтаар баяжуулан ойлгомжой энгийн хэллэгээр бичсэнд энэхүү номны
үнэ, цэнэ оршиж байна гэж үзлээ.
Үр хүүхдээ өсгөн хүмүүжүүлэх өдөр дутмын амьдралын явцдаа тэднийг
чин сэтгэлээсээ ухаалгаар хайрлан харилцах нь чухал юм гэсэн санааг онцлон
тэмдэглэсэн энэхүү номонд эцэг эхчүүд бидэнд ухаарал хайрлах, урам нэмэх
зүйл багагүй байгааг уншигч танаа сонордуулъя... Хайр шингэсэн харилцаа Хүүхэдтэй өдөр дутам харилцахад хэрэгтэй зөвлөгөөнүүд Эцэг эхчүүдэд зориулсан асуулт дасгалууд