Сургалт, хүмүүжлийн ажлыг орчин үеийн шаардлаганд
зохицуулан шинжлэх ухааны үндэстэй, зөв зохион явуулахын тулд
хүүхдэд мэдлэгийг гүн бат, ухамсартай эзэмшүүлж, тодорхой чадвар
дадлыг төлөвшүүлж, хүүхдийн бие даасан, идэвхтэй, бүтээлч
сэтгэхүйг хөгжүүлэх зэрэг асуудлыг хамарсан сургалтын процессын
сэтгэл зүйн хууль, зүй тогтлын тухай нарийн мэдлэг багш, сурган
хүмүүжүүлэгчдэд зайлшгүй чухал юм. Шинжлэх ухааны аливаа
ухагдахуун хүүхдэд төлөвшихдөө тэдний мэдрэхүйн үйл ажиллагаан
дээр суурилж сэтгэцийн хамгийн энгийнээс хамгийн нарийн
процессуудыг идэвхжүүлэн оролцуулдаг зүй тогтолтой. Тэгвэл
танин мэдэхүйн процесст оролцож байгаа хүүхдийн сэтгэцийн
процессуудып хөгжлийн онцлог зүй тогтлыг сайтар ойлгож байж
сургалтын процессыг багш шинжлэх ухааны үндэстэй зөв жолоодож
чадна.
Сургалтын процессыг шинжлэх ухааны үндэстэй жолоодон
хөтлөх нэг чухал асуудал бол түүний сэтгэл зүйн үндсийг нарийн
ойлгох явдал юм. Хүмүүжлийн аливаа ажилд сэтгэл зүйн мэдлэг мөн
л зайлшгүй чухал байдаг. Ертенцийг үзэх үзэл, итгэл, ёс суртахууны
хэвшил, зуршил, зан төлөв, зориг тэсвэрийн шинж зэрэг бие хүний
төрх байдлыг өсвөр үед төлөвшүүлэн хүмүүжүүлэхийн сэтгэл зүйн
шинжлэх ухааны үндсийг мэдэхгүйгээр хүүхдийн зөв хүмүүжүүлж
чадахгүй билээ. Урьдаас төлөвлөсөн тодорхой зорилго чиглэлтэй,
дэс дараатай системтэй явагдах сургалт, хүмүүжлийн ажил нь тэрхүү
тодорхой насны хүүхдийн бие, сэтгэцийн хөгжлийн онцлогийг тухайн
мэдлэгийн хуримтлалгүйгээр тодорхой үр дүнд хүрэхгүй. Хүүхдийн
насны үе шат бүр нь өөрийн онцлогтой тодорхой бэрхшээлтэй
байдаг бөгөөд тэдгээр онцлог чанарууд болон бэрхшээл бүр нь
өөртөө зориулсан тусгайлсан нарийн хандлагыг шаарддаг юм... Хүүхдийн сэтгэцийн хөгжлийн үндсэн асуудал Хүүхдийн нас зүй сэтгэл судлал Сурган хүмүүжүүлэх сэтгэл судлал