Боловсрол, шинжлэх ухааны яамнаас хүүхэд бүрийн хөгжих, суралцах адил тэгш эрхийн баталгааг ханган, ялгаварлалгүй, адил тэгш оролцоо, хэрэгцээнд суурилсан боловсролд тэгш хамруулах бодлого баримтлан ажиллаж байна.
Боловсролын тусгай хэрэгцээтэй сурагчдад оршин суугаа газраа ерөнхий боловсролын сургуульд хамрагдах боломж, нөхцөлийг бүрдүүлэх нь хүүхдийн хэл яриа, танин мэдэхүй, бие бялдар, хөдөлгөөний чадварыг хөгжүүлэх, биеэ авч явах, амьдрах чадварт ахиц гарах, боловсрол эзэмших тэгш эрхийг хангахад чухал үүрэг гүйцэтгэх юм.
Ерөнхий боловсролын сургуульд суралцаж байгаа боловсролын тусгай хэрэгцээтэй сурагчийн хувийн онцлог, ялгаатай хэрэгцээ, сонирхлыг харгалзан суралцахуйг оновчтой төлөвлөн зохион байгуулах нь боловсролын үйлчилгээг хүртээмжтэй, чанартай үзүүлэх ажлын суурь үндэс нь болно...