Өнгөрсөн зуунд урлаг судлаачид, сэтгүүлчдийн анхааралд Питер Брук шиг өртсөн хүн байхгүй гэж үздэг ажээ. Сайн дурын уран сайханчдын театрт арван долоотой байх даа. Марлогийн “Фауст доктор”, Ж.Коктогийн “Тамын лашин” жүжиг тавьж, тухайн үед их нэр хүндтэй байсан Барри Жексон найруулагчийн анхааралд анх өртсөнөөр их урлагийн ордны босго давах боломж нь нээгдсэн хэмээнэ.
Питер Брук (Peter Stephen Paul Brook)- 1925 оны 3-р сарын 21 -нд Лондон хотод төрсөн. Оксфордын их сургуульд хэл судлалын оюутан болоод тун удаагүй 17-тойдоо дээр нэрлэсэн жүжгүүдийг тавьсанаар Шекспирийн нэрэмжит Бирменгемийн алдарт театрт Б.Шоугийн “Эгэл хийгээд эгэлгүй хүмүүн” хэмээх тун ярвигтай жүжиг найруулах санал хүлээн авсан хэмээнэ. Жүжиг амжилттай болсоноор дараа жил нь Барри Жексон Шекспирийн жүжгийг шинэ залуу найруулагчдын тусламжтай шинээр харж, шинээр төсөл хэрэгжүүлэх дээ Питер Брукийг мөн урьсанаар Шекспирийн цуврал жүжиг тавих ажил эхэлжээ. Мөн Питер Боукийн уран бүтээлийн гарааны эхэн үедээ буюу 1947 онд тавьсан “Ромео, Жульетта хоёр” жүжиг Ихбританийн үзэгчдийг шуугиулж, шүүмжлэгч-судлаачдын дунд халуун маргаан дэгдээсэн хэмээн урлаг судлаачид өнөө хэр үнэлдэг ажээ...